الطـّير الحرّ

الطير الحرّ
طيري ياطيري
يا الطير الحرّ
بينْ ضلوعي غرّدْ ياطيري
بوحْ بالسرّ
تلمّو عليك لعدا ياطيري
كلـّها منين يجرّ
ها النـّاوي يبيعكْ لغيري
ها النــّاوي يفضح السرّ
سجْنوك فقفصْ ياطيري
لاشمسْ لاسْما
ما حلاتْ ليكْ نغمة ولا بسمة
شربوك من كاسْ الحرّ
لغبينة ملـّحاتْ بحوركْ
لحديّة عشـّات على شط الصخرْ
ما غنيّيتي ما قدّيتي تشكي بالضرّ
طيري يالطير الحرّ
النيرانْ لهْباتْ صدركْ
ما لقيتي اصبرْ
العديانْ خايضا اتزنـّدْ جمركْ
ريحتْ الشياطْ اعطاتْ
مخلــطة بلغدرْ
سيّبو لهبالْ وراكْ
رشـوّهْ بلعطرْ
طيري ياطيري
فينك ياطيري
يالسايح بيّ فحلامْ
منام ْ خيرْ وسلامْ
جنـّة ونغامْ
طيري يا طير الحرّ
طرتي من ييدي
تخبّيتي ورا لغمامْ
نا ديتكْ ناديتك
أجيني فصورتْ حق
اعتقني من لوهام
ومني لك ألف سلام..
أجيني ناشر جناحكْ
على ضيّ الشروقْ
غرّدْ غرد
دفـّي الدمّ الجامد ف لعروق
بكْ تحلى الشوفة فسمايا
ياطيري يالطير الحرّ
بكْ يزهرْ ربيعْ الخاطرْ
عليكْ أنا مسنـّدْ وصابرْ
رعدْ الزمانْ اقسمْ لي الضهرْ
أجيني انقدني من هاذْ الشرّ
ديما انت حُرّ ياطيري
ما تخون ما تغدر
ما نفرّطْ ما نساك ماطالْ لعمرْ





أمينة الخياطي
09.02.2010
[/size][/size]